الثلاثاء، 10 يناير، 2012

معركة على شط العين

اتقابلو العينين على شط بين الحاجبين شط تحت جفن العين ,
عيون بتتكلم كلام زى الرصاص  تحت زخات المطر

 شافت شريط الأخبارصور  عن الحكايات  الى فى شارع الثبات,
بصيت قابلت عين متهمة فى عيون الأحرار دارمابينا حوار 
دول كلمتين لكن عجب فى برهة من الزمن
لون العيون انقلب,
الأسود الصامد  نوره أبيض 
والاخضر العسلى   دم أحمر 
♠♠♠

 قالت عينيه فيها كلام ان قطر الظلم قام,
فردت عليه هايقف فى محطة الأحلام , 
 زجرت عينيه بابتسام ونظرة اتهام
 انت عارف انى أقدر أطفى نور الفجر وأنهى السلام ,
وأقتل مولود الوهم فى بطن الأحلام ,
وانى وانى  طلقات من عينيه تاكلنى
 لكن فى لحظة زمن ماليانة أمل
طلقات زحام , زخات من الاحلام ,
حتى فيها الصمت قام  

وفجأة قالت عينيه فى استسلام:
ان قطر الظلم مات لما شاف فى عينيك الثبات
ان رمش عينيك صار للتحدى مقام 
ان جفن عينيك قال للظلم نام 
 صوت الحق لعين البغى شق  
زمن عيونكم حر زمن عيونا لأ 
انتو عيون الرب الى فيها الصدق  
انتو نور الصراط وقت الشك 
العين مش مدى الشوف العين قلوب بتشوف 
♠♠♠
وانتصرت عيون حرة
فى زمن كفيف
 بس البصيرة سيف 
 شايفين 
  بصوت
  بنور
 بأمل 
دموع
من غير خوف....
 
 

♥♥♥
 

ليست هناك تعليقات:

إرسال تعليق